ന്യൂഡല്‍ഹി: ഡല്‍ഹിയില്‍ ആറ് വയസുകാരിയെ പീഡിപ്പിച്ച കേസില്‍ പ്രതി പിടിയില്‍. ഇരുപത് വയസുകാരനായ സൂരജാണ് ഡല്‍ഹി പൊലിസിന്റെ പിടിയിലായത്. സമാനമായ കേസില്‍ സൂരജ് മുമ്പും പ്രതിയായിട്ടുണ്ടെന്ന് പൊലിസ് പറഞ്ഞു.
വടക്കന്‍ ഡല്‍ഹിയിലെ രഞ്ജിത്ത് നഗര്‍ മേഖലയില്‍ ഇന്നലെ രാവിലെയാണ് ആറു വയസുകാരി പീഡനത്തിരയായത്.

രാവിലെ സൗജന്യ അടുക്കളയില്‍ ഭക്ഷണം കഴിക്കാന്‍ പോയ പെണ്‍കുട്ടി തിരിച്ചെത്തിയത് രക്തം വാര്‍ന്ന നിലയിലായിരുന്നു. കുട്ടിയെ റാം മനോഹര്‍ ലോഹ്യ ആശുപത്രിയില്‍ പ്രവേശിപ്പിച്ചു. ആശുപത്രിയില്‍ നടന്ന പരിശോധനയിലാണ് കുട്ടി പീഡനത്തിന് ഇരയായെന്ന് വ്യക്തമായത്.