കണ്ണൂര്‍: ആറളത്ത് സ്‌കൂളില്‍ നിന്ന് ബോംബുകള്‍ കണ്ടെത്തി. രണ്ട് നാടന്‍ ബോംബുകളാണ് കണ്ടെത്തിയത്. സ്‌കൂള്‍ ശുചീകരണത്തിനിടെയാണ് ശൗചാലയത്തില്‍ നിന്ന് ബോംബുകള്‍ കണ്ടെത്തിയത്.

സ്‌കൂള്‍ തുറക്കാന്‍ ദിവസങ്ങള്‍ മാത്രം ശേഷിക്കെയാണ് ആറളം ഹയര്‍സെക്കന്‍ഡറി സ്‌കൂളിലും ശുചീകരണം ആരംഭിച്ചത്. ഇതിനിടെയാണ്ശൗചാലയത്തില്‍ ഒളിപ്പിച്ച നിലയില്‍ ബോംബ് കണ്ടെത്തിയത്. പി.ടി.എ ഭാരവാഹികള്‍ ഉടന്‍ ആറളം പൊലിസിനെ വിവരമറിയിച്ചു. തുടര്‍ന്ന് പൊലിസും ബോംബ് സ്‌ക്വാഡും സ്ഥലത്തെത്തി ബോംബ് നിര്‍വീര്യമാക്കി.