തിരുവനന്തപുരം: റോഡുകളെക്കുറിച്ച് പരാതി പറയാനും നിര്‍ദേശങ്ങള്‍ അറിയിക്കാനും മൊബൈല്‍ ആപ്പുമായി സംസ്ഥാന സര്‍ക്കാര്‍. പൊതുമരാമത്ത് വകുപ്പ് പ്രവര്‍ത്തനങ്ങള്‍ കൂടുതല്‍ ജനസൗഹൃദമാക്കുന്നതിന്റെ ഭാഗമായാണ് PWD 4U എന്ന മൊബൈല്‍ ആപ്പ് അവതരിപ്പിച്ചിരിക്കുന്നത്.

പൊതുമരാമത്ത് റോഡുകളെ കുറിച്ചുള്ള പരാതികള്‍ ഫോട്ടോ സഹിതം ആപ്പില്‍ അപ്‌ലോഡ് ചെയ്യാനാകും. പരാതിയുടെ തുടര്‍നടപടികള്‍ അറിയുന്നതിനും ആപ്പ് വഴി സാധിക്കുന്നതാണ്.