കട്ടപ്പന: കൂറ്റന്‍ കടന്നല്‍ക്കൂട് നാട്ടുകാര്‍ക്ക് ഭീഷണിയായി. വെള്ളയാംകുടി ഗവണ്‍മെന്റ് കോളജ് റോഡിലാണ് മരത്തില്‍ കടന്നല്‍ കൂടുകൂട്ടിയിരിക്കുന്നത്. റോഡരികിലെ മരച്ചില്ലയിലെ കടന്നല്‍ക്കൂട് ഏവര്‍ക്കും ഭീഷണിയായിട്ടുണ്ട്.
വെള്ളയാംകുടി നിര്‍മല്‍ജ്യോതി സ്‌കൂളിലേക്കും ഗവണ്‍മെന്റ് കോളജിലേക്കുമുള്ള വഴിയിലാണ് കടന്നല്‍ക്കൂട് . ആയിരക്കണക്കിന് ആളുകളും  വാഹനങ്ങളും കടന്നുപോകുന്ന റോഡിനു സമീപത്തെ കടന്നല്‍ക്കൂട് നിരവധി വീട്ടുകാര്‍ക്കും ഭീഷണിയായിട്ടുണ്ട്. ദിവസം ചെല്ലുംതോറും കൂട് വലുതായിക്കൊണ്ടിരിക്കുകയാണ്. മരത്തിന്റെ 30 അടി ഉയരത്തിലാണ് കടനല്‍ക്കൂട്.
ഭീഷണിയായിരിക്കുന്ന കടന്നല്‍ക്കൂട് നശിപ്പിക്കണമെന്ന് ആവശ്യപ്പെട്ട് മുനിസിപ്പാലിറ്റിക്കും ഫയര്‍ഫോഴ്‌സിനും നാട്ടുകാര്‍ പരാതി നല്‍കി.