കടുത്തുരുത്തി: നിയന്ത്രണം വിട്ട ഓട്ടോറിക്ഷ മറിഞ്ഞ് ഓട്ടോറിക്ഷ യാത്രക്കാരായ മൂന്ന് സ്ത്രീകള്‍ക്ക് പരുക്ക്.
അമലഗിരി സ്വദേശികളായ മുളംകോട്ടില്‍ സാന്ദ്ര മരിയ (16), ത്രേസ്യാമ്മ (68), മേരി (52) എന്നിവര്‍ക്കാണ് പരിക്കേറ്റത്. പരിക്കേറ്റവരെ സ്വകാര്യ ആശുപത്രിയിലും പിന്നീട് വിദഗ്ദ്ധ ചികിത്സയ്ക്കായി എറണാകുളത്തെ ആശുപത്രിയിലും പ്രവേശിപ്പിച്ചു.
 രാവിലെ ഏഴോടെ ആപ്പാഞ്ചിറ-പൂഴിക്കോല്‍ റോഡില്‍ പൂഴിക്കോല്‍ ഷാപ്പുംപടിക്ക് സമീപം ഇറക്കത്തിലാണ് അപകടമുണ്ടായത്.
ഇറക്കത്തില്‍ ഓട്ടോറിക്ഷയുടെ നിയന്ത്രണം വിട്ടതാണ് അപകടത്തിന് കാരണമെന്ന് പൊലിസ് പറഞ്ഞു.
പരുക്കേറ്റവരെ ആപ്പാഞ്ചിറയിലെ ഓട്ടോറിക്ഷ ഡ്രൈവര്‍മാരുടെ നേതൃത്വത്തില്‍ ഫയര്‍ഫോഴ്‌സിന്റെ ഓഫിസിലെത്തിക്കുകയും തുടര്‍ന്ന് ഫയര്‍ഫോഴ്‌സിന്റെ ആംബുലന്‍സില്‍ സമീപത്തെ ആശുപത്രിയിലെത്തിക്കുകയുമായിരുന്നു.