കോഴിക്കോട്:കുറ്റ്യാടി ചുരം റോഡില്‍ മുളവട്ടത്ത് ഉരുള്‍പൊട്ടി. മണിക്കൂറുകളോളം ഗതാഗതം തടസപ്പെട്ടു.പൊലിസും ഫയര്‍ഫോഴ്‌സും നാട്ടുകാരും ചേര്‍ന്ന് ഗതാഗതം പുനസ്ഥാപിക്കുകയാണ്. ഇന്ന് വൈകുന്നേരം നാലോടെയായിരുന്നു സംഭവം. അപകട സാധ്യതയുള്ള 6 കുടുംബങ്ങളെ മാറ്റി താമസിപ്പിച്ചു.

അതേസമയം ആളപായമില്ല. കാവിലുംപാറ ചോയിച്ചുണ്ടില്‍ 12 വീടുകളില്‍ വെള്ളം കയറി. ചുരത്തില്‍ രണ്ടാം വളവ് ഉള്‍പ്പടെ മറ്റിടങ്ങളില്‍ മണ്ണിടിച്ചിലുണ്ടായിട്ടുണ്ട്. മരം വീണ് ഗതാഗതം തടസപ്പെട്ടിട്ടുണ്ട്.

ജില്ലയില്‍ പലയിടത്തും കനത്തമഴ തുടരുകയാണ് പലയിടത്തും വെള്ളം കയറിയിട്ടുണ്ട്.