തിരുവനന്തപുരം: സംസ്ഥാനത്ത് പടക്കം പൊട്ടിക്കുന്നതിന് നിയന്ത്രണം ഏര്‍പ്പെടുത്തി. രാത്രി എട്ട് മണിക്കും പത്ത് മണിക്കും ഇടയില്‍ മാത്രമേ പടക്കം പൊട്ടിക്കാവു എന്ന് ആഭ്യന്തര വകുപ്പ് പുറത്തിറക്കിയ ഉത്തരവില്‍ പറയുന്നു.

പടക്കം പൊട്ടിക്കുന്നതിന് സുപ്രിം കോടതി ഏര്‍പ്പെടുത്തിയിരിക്കുന്ന നിയന്ത്രണങ്ങളുടെ പശ്ചാത്തലത്തിലാണ് ആഭ്യന്തരവകുപ്പിന്റെ ഉത്തരവ്.

പത്ത് മണിക്ക് ശേഷം പടക്കം പൊട്ടിക്കുന്നവര്‍ക്കെതിരെ പൊലിസിന്റെ ഭാഗത്ത് നിന്ന് നിയമനടപടി ഉണ്ടായേക്കും. ഇത് സംബന്ധിച്ച് പൊലിസിന് ആഭ്യന്തര വകുപ്പ് നിര്‍ദേശം നല്‍കിയേക്കും. 10 മണിക്ക് ശേഷം ആരെങ്കിലും പടക്കം പൊട്ടിക്കുന്നുണ്ടോ എന്ന് നിരീക്ഷിക്കാന്‍ പൊലിസിന്റെ നടപടികളും ഉണ്ടാകും.