കോഴിക്കോട്: കഴിഞ്ഞ രണ്ട് വര്‍ഷത്തിനിടയില്‍ സര്‍വ്വീസ് പൂര്‍ത്തികരിച്ച ജില്ലയിെലെ ഹയര്‍ സെക്കണ്ടറി വിഭാഗം സാമ്പത്തിക ശാസ്ത്രം അധ്യാപകര്‍ക്ക് യാത്രയപ്പ് നല്‍കി. നടക്കാവ് ഗേള്‍സ് വെക്കേഷണല്‍ ഹയര്‍ സെക്കന്ററി സ്‌കൂളില്‍ നടന്ന പരിപാടി തുറമുഖ പുരാവസ്തു മ്യൂസിയം വകുപ്പ് മന്ത്രി അഹമ്മദ് ദേവര്‍ കോവില്‍ ഉദ്ഘാടനം ചെയ്തു. ചടങ്ങില്‍ ജില്ലാ പ്രസിഡന്റ് മുജീബ് ചളിക്കോട് അധ്യക്ഷനായി. കോര്‍പ്പറേഷന്‍ മേയര്‍ ഡോ. ബീന ഫിലിപ്പ് ലോഗോ പ്രകാശനം ചെയ്തു.ലോഗോ രൂപകല്‍പ്പന ചെയ്തവര്‍ക്കുള്ള ഉപഹാര വിതരണം വടകര എ.ഡി.എം, സി.ബിജു, ജില്ലാ ഹയര്‍ സെക്കന്ററി കോഡിനേറ്റര്‍ പി.കെ കൃഷ്ണദാസ് എന്നിവര്‍ നിര്‍വഹിച്ചു. നടക്കാവ് ഹയര്‍ സെക്കണ്ടറി സ്‌കൂള്‍ പ്രിന്‍സിപ്പല്‍ ബാബു, പി.ടി.എ പ്രസിഡന്റ് കെ രതീഷ്, കെ.കെ ആലിക്കുട്ടി, അധ്യാപകരായ പ്രമോദ്, ഡോ. പി. കെ ഷാജി, ശ്രീചിത്ത്, ഇ.എം രാധാകൃഷ്ണന്‍ ,ഗോപാലന്‍, സുധാകരന്‍, രാജിവന്‍, കുഞ്ഞമ്മദ്, ഉണ്ണികൃഷ്ണന്‍, സുരേന്ദ്രന്‍ എന്നിവര്‍ സംബന്ധിച്ചു. അസോസിയേഷന്‍ ജില്ലാ ജനറല്‍ സെക്രട്ടറി രാമചന്ദ്രന്‍ സ്വാഗതവും ട്രഷറര്‍ ശ്രീജ നന്ദിയും പറഞ്ഞു.