കണ്ണൂര്‍: കണ്ണൂരില്‍ നിന്ന് ഒരു മാവോയിസ്റ്റ് പിടിയില്‍. തമിഴ്‌നാട് സ്വദേശിയായ രവി മുരുകേശനെയാണ് കേരള പൊലിസ് കസ്റ്റഡിയിലെടുത്തിരിക്കുന്നത്. നിലമ്പൂര്‍ കാട്ടില്‍ മാവോയിസ്റ്റ് ദിനം ആചരിക്കുകയും ആയുധ പരിശീലനം നടത്തുകയും ചെയ്ത കേസിലാണ് രവി പിടിയിലായത്. മലപ്പുറം എടക്കര പൊലിസ് സ്റ്റേഷനില്‍ 2017ലാണ് കേസ് രജിസ്റ്റര്‍ ചെയ്തത്.

മുരുകന്‍ പാപ്പിനിശ്ശേരി ഭാഗത്ത് ഒളിവില്‍ കഴിയുകയായിരുന്നുവെന്ന രഹസ്യവിവരത്തെ തുടര്‍ന്ന് നടത്തിയ തെരച്ചിലിലാണ് മുരുകനെ കസ്റ്റഡിയിലെടുത്തത്.

കേരള പൊലിസ് കസ്റ്റഡിയിലെടുത്ത പ്രതിയെ എന്‍.ഐ.എയ്ക്ക് കൈമാറി. എന്‍.ഐ.എ സംഘം ഇയാളുമായി കൊച്ചിയിലേക്ക് പോയെന്നാണ് വിവരം.