മദീന: മദീനയില്‍ സന്ദര്‍ശനം നടത്തി തിരിച്ചുവരികയായിരുന്ന മലയാളികള്‍ സഞ്ചരിച്ച വാഹനം ഒട്ടകത്തിലിടിച്ച് മറിഞ്ഞ് ഒരാള്‍ മരിച്ചു. ഏഴു പേര്‍ക്ക് പരുക്കേറ്റു. രണ്ടു കുടംബങ്ങളാണ് വാഹനത്തിലുണ്ടായിരുന്നത്.

മലപ്പുറം പാണ്ടിക്കാട് തുവ്വൂര്‍ സ്വദേശി ആലക്കാടന്‍ അബ്ദുല്ലയുടെ മകന്‍ റിഷാദ് അലി(28)യാണ് മരിച്ചത്.
മദീന സന്ദര്‍ശനം നടത്തിയ ശേഷം ബദര്‍ വഴി ജിദ്ദയിലേക്ക് മടങ്ങുന്നതിനിടെയാണ് അപകടമുണ്ടായത്. ജിദ്ദയിലെ മൗലവി മദീന സിയാറയിലെ ജീവനക്കാരനാണ് റിഷാദ് അലി.

റിഷാദ് അലിയുടെ ഭാര്യക്കും ഭാര്യയുടെ ഉമ്മക്കും പരുക്കുണ്ട്. വാഹനമോടിച്ചിരുന്ന യുവാവിന് ഗുരുതര പരുക്കേറ്റു. പരിക്കേറ്റ മറ്റുള്ളവരെ ജിദ്ദയിലെ ആശുപത്രിയിലേക്ക് മാറ്റിയിട്ടുണ്ട്.

റിഷാദ് അലിയുടെ മൃതദേഹം റാബഗ് ആശുപത്രിയിലാണ്. ഒരു കുടുംബം ജിസാനില്‍ നിന്നും ജിദ്ദയിലെത്തിയ ശേഷം ഇവരൊന്നിച്ചായിരുന്നു മദീനയിലേക്ക് പോയത്. കെഎംസിസി പ്രവര്‍ത്തകര്‍ സഹായത്തിനായി രംഗത്തുണ്ട്.