ഡൽഹി
വനിതാ ഏഷ്യൻ കപ്പിനായി ഒരുങ്ങുന്ന ഇന്ത്യൻ വനിതാ ഫുട്ബോൾ ടീം വലിയ ടൂർണമെന്റിനൊരുങ്ങുന്നു. ലാറ്റിനമേരിക്കൻ രാജ്യങ്ങളുമായിട്ടാണ് ഇന്ത്യ ടൂർണമെന്റിൽ പങ്കെടുക്കുന്നത്.

ലാറ്റിനമേരിക്കൻ വനിതാ ഫുട്ബോളിലെ ശക്തികളായ ബ്രസീൽ, വെനസ്വേല, ചിലി തുടങ്ങിയ രാജ്യങ്ങൾക്കൊപ്പമാണ് ഇന്ത്യൻ വനിതാ ടീം ടൂർണമെന്റ് കളിക്കുന്നത്. ഏഷ്യൻ കപ്പിന് മുൻപായി ടീമിന് മികച്ച പരിശീലനം ഒരുക്കുകയും വിദേശ ടീമുകളുമായി കളിച്ച് പരിചയമുണ്ടാക്കുക എന്ന ലക്ഷ്യത്തോടെയാണ് ഇന്ത്യ ടൂർണമെന്റിൽ പങ്കെടുക്കുന്നത്. ഇന്ത്യൻ ഫുട്ബോൾ ടീമിന്റെ അടുത്ത കാലത്തെ ഏറ്റവും വലിയ മത്സരമാണിത്. ഏഷ്യൻ കപ്പിന് ഒരുങ്ങുന്നതിന് വേണ്ടി ഇന്ത്യൻ വനിതാ ടീം കഴിഞ്ഞ മാസം ദുബൈ,ബഹ്റൈൻ, സ്വീഡൻ എന്നിവിടങ്ങിൽ പര്യടനം നടത്തിയിരുന്നു. ഈ മാസം 25ന് തുടങ്ങി അടുത്ത മാസം അവസാനിക്കുന്ന രീതിയിലാണ് മത്സരം ക്രിമീകരിച്ചിരിക്കുന്നത്. ഈ മാസം 25നാണ് ഇന്ത്യ - ബ്രസീൽ മത്സരം. 28ന് ചിലിയേയും ഡിസംബർ ഒന്നിന് വെനസേലയേയും ഇന്ത്യ നേരിടും.

എ.എഫ്.സി ക്ലബ് ചാംപ്യൻഷിപ്പിൽ കളിക്കുന്നിതായി ഗോകുലം കേരള എഫ്.സിക്കൊപ്പം ജോർദാനിലാണ് ഇപ്പോൾ ഇന്ത്യൻ ടീമിലെ പത്തു താരങ്ങൾ. അവർ നാട്ടൽ തിരിച്ചെത്തിയാൽ ഉടൻ ടൂർണമെന്റിനുള്ള ദേശീയ ക്യാംപിന് തുടക്കമാകുമെന്നാണ് വിവരം.