കൊല്ലം: എക്‌സൈസ് സ്‌പെഷല്‍ സ്‌ക്വാഡ് നടത്തിയ റെയ്ഡില്‍ മതിയായ ലൈസന്‍സില്ലാതെ സൂക്ഷിച്ചിരുന്ന അരിഷ്ടം പിടിച്ചെടുത്തു.
കടപ്പാക്കടയിലെ ഒരു കടയില്‍ ഓണത്തിന് വില്‍പനക്കായി  സൂക്ഷിച്ചിരുന്ന മുപ്പത്തി അയ്യായിരം രൂപയോളം വിലവരുന്ന വിവിധ ഇനത്തില്‍പ്പെട്ട 105 ലിറ്റര്‍ അരിഷ്ടമാണ് പിടിച്ചെടുത്തത്. ഇതുമായി ബന്ധപ്പെട്ട് മയ്യനാട് സ്വദേശി ഷൈനി (43) നെതിരെ കേസെടുത്തു. ഓണം സ്‌പെഷല്‍ ഡ്രൈവിനോടനുബന്ധിച്ച് ഡെപ്യൂട്ടി എക്‌സൈസ് കമ്മിഷണര്‍ വി. ആര്‍. അനില്‍കുമാറിന്റെ നിര്‍ദേശാനുസരണം സി.ഐ ജെ. താജുദീന്‍കുട്ടിയുടെ നേതൃത്വത്തിലുള്ള സംഘമാണ് റെയ്ഡ് നടത്തിയത്.
ഇന്‍സ്‌പെക്ടര്‍ ജി. വിനോജ്, പ്രിവന്റീവ് ഓഫിസര്‍ ആര്‍.ജി. വിനോദ്, സിവില്‍ എക്‌സൈസ് ഓഫിസര്‍മാരായ സലിം, വിഷ്ണുരാജ് ,രഞ്ജിത്, സുനില്‍
എന്നിവരും സംഘത്തിലുണ്ടായിരുന്നു.