ലണ്ടന്‍: 2018 ലോകകപ്പ് യോഗ്യതാ പോരാട്ടങ്ങള്‍ക്കുള്ള ഇംഗ്ലണ്ട് ടീമിനെ വെയ്ന്‍ റൂണി നയിക്കും.
പുതിയ പരിശീലകന്‍ സാം അല്ലാര്‍ഡയ്‌സ് മുന്‍ നായകന്‍ ജോണ്‍ ടെറിയെ ടീമിലെടുക്കുമെന്നു അഭ്യൂഹങ്ങളുണ്ടായിരുന്നു. എന്നാല്‍ അതിനെ തള്ളിയാണ് ടീമിന്റെ തിരഞ്ഞെടുപ്പ്. ഡാന്നി ഡ്രിങ്ക്‌വാട്ടര്‍, ലൂക്ക് ഷോ, ഫില്‍ ജഗെയ്ല്‍ക്ക എന്നിവര്‍ ടീമില്‍ തിരിച്ചെത്തി.
ലോകകപ്പ് യോഗ്യതാ പോരാട്ടത്തില്‍ സ്ലോവക്യക്കെതിരേയാണ് ഇംഗ്ലണ്ടിന്റെ ആദ്യ മത്സരം. സെപ്റ്റംബര്‍ നാലിനാണ് മത്സരം. തുടര്‍ന്ന് ഒക്ടോബര്‍ എട്ടിനു മാള്‍ട്ടയുമായും ഒക്ടോബര്‍ 11നു സ്ലോവന്യയുമായും ഇംഗ്ലണ്ട് മാറ്റുരയ്ക്കും.