മഞ്ചേരി: മഞ്ചേരി ജി.എം.എല്‍.പി സ്‌കൂള്‍ വിദ്യാര്‍ഥികളും അധ്യാപകരും സ്‌കൂള്‍ പി.ടി.എ അംഗങ്ങളോടൊപ്പം കാര്‍ഷിക വാരാഘോഷത്തിന്റെ ഭാഗമായി ആനക്കയം കാര്‍ഷിക ഗവേഷണ കേന്ദ്രം സന്ദര്‍ശിച്ചു.
വ്യത്യസ്ഥ ഇനം വിത്തുകള്‍, തൈകള്‍, അലങ്കാരച്ചെടികള്‍, ബഡ്ഡിംഗ് ഗ്രാഫ്റ്റിംഗ്, ജൈവവള നിര്‍മാണം, വൈവിധ്യമാര്‍ന്ന ജീവികളടക്കം കുട്ടികള്‍ കണ്ടു രേഖപ്പെടുത്തി. വിത്തുകളും ചെടികളും ശേഖരിച്ചു. തുടര്‍ന്നു സ്‌കൂളില്‍ വിത്തു പ്രദര്‍ശനവും ക്വിസ് മത്സരവമം നടത്തി. വിജയികള്‍ക്കു പി.ടി.എ പ്രസിഡന്റ് നാസിര്‍ പുത്തലത്തു സമ്മാനങ്ങള്‍ വിതരണം ചെയ്തു. എച്ച്.എം  അയ്യപ്പന്‍,  പി. മീന, ജോളിയമ്മ കെ.വി, സൈബുന്നീസ കെ, ബിഷാര്‍ നേതൃത്വം നല്‍കി.