ഹരിദ്വാർ
ഉത്തരാഖണ്ഡിൽ തങ്ങൾക്ക് വോട്ട് ചെയ്താൽ ഇഹലോകവും പരലോകവും സുന്ദരമാകുമെന്ന് എ.എ.പിയുടെ വാഗ്ദാനം. ഡൽഹി മുഖ്യമന്ത്രി അരവിന്ദ് കെജ് രിവാളാണ് വ്യത്യസ്തമായ തെരഞ്ഞെടുപ്പ് വാഗ്ദാനവുമായി രംഗത്തെത്തിയത്. ഡൽഹിയിലെ ഓട്ടോക്കാർ തന്നെ അവരുടെ സഹോദരനെപ്പോലെയാണ് കാണുന്നതെന്നും ഉത്തരാഖണ്ഡിലും സമഗ്രമാറ്റത്തിന് എ.എ.പിക്ക് കഴിയുമെന്നും കെജ് രിവാൾ പറഞ്ഞു.

ഉത്തരാഖണ്ഡിൽ സൗജന്യ തീർഥാടനം എ.എ.പി വാഗ്ദാനം ചെയ്തു. ഹിന്ദു വിശ്വാസികൾക്ക് മാത്രമല്ല, മുസ് ലിംകൾക്ക് അജ്മീരിലേക്കും സിഖുകാർക്ക് കർത്താർപൂരിലേക്കും തീർഥാടനം സൗജന്യമാക്കും. എല്ലാ യുവാക്കൾക്കും തൊഴിൽ നൽകുമെന്നും അദ്ദേഹം കൂട്ടിച്ചേർത്തു. കെജ് രിവാളിന്റെ നേതൃത്വത്തിൽ ഹരിദ്വാറിൽ റോഡ്‌ഷോയും നടത്തി.