കൊച്ചി: കൊച്ചിയിലുണ്ടായ വാഹനാപകടത്തില്‍ മോഡലുകള്‍ മരിച്ചതില്‍ ഇവര്‍ സഞ്ചരിച്ച വാഹനത്തെ പിന്തുടര്‍ന്ന കാറിലെ ഡ്രൈവര്‍ സൈജു തങ്കച്ചനെ പൊലിസ് അറസ്റ്റുചെയ്തു. മോഡലുകളുടെ വാഹനത്തെ പിന്തുടര്‍ന്ന ഔഡി ഡ്രൈവറാണ് സൈജു തങ്കച്ചന്‍. ഇന്നത്തെ രണ്ടാമത്തെ ചോദ്യം ചെയ്യലിനുശേഷമാണ് അറസ്റ്റ്.

സൈജുവിന് ക്രൈം ബ്രാഞ്ച് നോട്ടീസ് അയച്ചിരുന്നു. 24 മണിക്കൂറിനകം ചോദ്യം ചെയ്യലിന് ഹാജരാകണമെന്നായിരുന്നു നോട്ടീസില്‍ ആവശ്യപ്പെട്ടത്. സൈജു ഒളിവിലായതിനാല്‍ സഹോദരനാണ് നോട്ടിസ് നല്‍കിയിരുന്നത്. മരണവുമായി ബന്ധപ്പെട്ട് ഹോട്ടലിലെ സിസിടിവി ദൃശ്യങ്ങളുള്ള ഡിവിആര്‍ കണ്ടെത്താനുള്ള തിരച്ചില്‍ കഴിഞ്ഞ ദിവസം അവസാനിപ്പിച്ചിരുന്നു.