മലപ്പുറം: പാഠപുസ്തക വിതരണം ഉടന്‍ പൂര്‍ത്തിയാക്കുക, ഗ്രേസ് മാര്‍ക്ക് എടുത്തുകളയാനുള്ള നീക്കം ഉപേക്ഷിക്കുക, അടച്ചുപൂട്ടല്‍ ഭീഷണി നേരിടുന്ന സ്‌കൂളുകള്‍ ഏറ്റെടുക്കുമെന്ന വാഗ്ദാനം പാലിക്കുക എന്നീ ആവശ്യങ്ങളുന്നയിച്ച് എം.എസ്.എഫ് ജില്ല കമ്മിറ്റിയുടെ നേതൃത്വത്തില്‍ ഇന്ന് ഡി.ഡി.ഇ ഓഫിസിലേക്ക് മാര്‍ച്ച് നടത്തും.
രാവിലെ പത്തിന് കോട്ടപ്പടി ബസ്സ്റ്റാന്‍ഡില്‍ നിന്നു മാര്‍ച്ച് ആരംഭിക്കും. മുസ്‌ലിംലീഗ് ജില്ലാ ജനറല്‍ സെക്രട്ടറി അഡ്വ. കെ.എന്‍.എ ഖാദര്‍, എം.എസ്.എഫ് സംസ്ഥാന സെക്രട്ടറി എം.പി നവാസ്, യൂത്ത് ലീഗ് ജില്ലാ പ്രസിഡന്റ് നൗഷാദ് മണ്ണിശ്ശേരി എന്നിവര്‍ പങ്കെടുക്കും.