പൊന്നാനി: ഡോ. വയല വാസുദേവന്‍പിള്ള ട്രസ്റ്റ് ഏര്‍പ്പെടുത്തിയ നാടകരചനയ്ക്കുള്ള വയല സാകേതം അവാര്‍ഡ് നാടക സംവിധായകനും തിരക്കഥാകൃത്തുമായ റിയാസ് മാറഞ്ചേരിക്കു ലഭിച്ചു. തൃശൂര്‍ കേരളാ സംഗീത നാടക അക്കാദമി ഹാളില്‍ നാളെ നടക്കുന്ന ചടങ്ങില്‍ അവാര്‍ഡ് വിതരണം ചെയ്യും.കേരളാ സംഗീത നാടക അക്കാദമി അവാര്‍ഡ്, ജി. ശങ്കരപിള്ള സ്മാരക നാടക അവാര്‍ഡ്, പി.ജെ ആന്റണി സ്മാരക നാടക അവാര്‍ഡ്, ടി.വി കൊച്ചുബാവ സ്മാരക ദല അവാര്‍ഡ്, കാട്ടുമാടം നാരായണന്‍ കഥാപുരസ്‌കാരം, മാതൃഭൂമി വിഷുപ്പതിപ്പ് ചെറുകഥാ അവാര്‍ഡ് എന്നീ പുരസ്‌കാരങ്ങള്‍ നേരത്തേ റിയാസ് നേടിയിട്ടുണ്ട്.