കോഴിക്കോട്: അയ്യങ്കാളിയുടെ ജന്മദിനാഘോഷം വിവിധ സംഘടനകളുടെ ആഭിമുഖ്യത്തില്‍ നടന്നു. ഡി.സി.സി ഓഡിറ്റോറിയത്തില്‍ ഭാരതീയ ദലിത് കോണ്‍ഗ്രസ് ജില്ലാ കമ്മിറ്റി സംഘടിപ്പിച്ച അയ്യങ്കാളി അനുസ്മരണം ഡി.സി.സി പ്രസിഡന്റ് കെ.സി അബു ഉദ്ഘാടനം ചെയ്തു. സി.വി അരവിന്ദാക്ഷന്‍ അധ്യക്ഷനായി. കെ.പി.സി.സി നിര്‍വാഹക സമിതിയംഗം കെ.വി സുബ്രഹ്മണ്യന്‍, വി.എസ് അഭിലാഷ് പ്രസംഗിച്ചു.
കേരള ദലിത് ഫെഡറേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ കടപ്പുറം രക്തസാക്ഷി മണ്ഡപത്തില്‍ നടന്ന ദൃഢ പ്രതിജ്ഞാ ചടങ്ങ് സംസ്ഥാന വര്‍ക്കിങ് പ്രസിഡന്റ് ടി.പി ഭാസ്‌കരന്‍ ഉദ്ഘാടനം ചെയ്തു. പി.ടി ജനാര്‍ദനന്‍ അധ്യക്ഷനായി. ദേവദാസ് കുതിരാടം പ്രതിജ്ഞ ചൊല്ലിക്കൊടുത്തു. എ.ടി ദാസന്‍, കെ. പ്രസാദ്, എ.വി അപ്പുക്കുട്ടന്‍, ഡി. ബൈജു, ടി. ശ്രീധരന്‍, കെ. ജയപ്രകാശന്‍, പി.പി കമല, ഇ.പി കാര്‍ത്യായനി, സി.കെ രാമന്‍കുട്ടി പ്രസംഗിച്ചു.