മേപ്പയ്യൂര്‍: കായലാട്ട് വള്ളുപറമ്പില്‍ ജിതിന്‍ലാലിന്റെ കാര്‍ മണ്ണെണ്ണ ഒഴിച്ചു കത്തിക്കാന്‍ ശ്രമിച്ചതായി പരാതി. തീ ആളിപ്പടരുന്നതു കണ്ട വീട്ടുകാര്‍ ഉടന്‍തന്നെ വെള്ളം ഒഴിച്ചു കെടുത്തിയതിനാല്‍ കൂടുതല്‍ അപകടം ഒഴിവായി.
റെഡ്സ്റ്റാര്‍ സാംസ്‌കാരിക വേദിയുടെ സജീവ പ്രവര്‍ത്തനാണ് ജിതിന്‍ലാല്‍. സംഭവത്തില്‍ മേപ്പയ്യൂര്‍ പൊലിസ് കേസെടുത്തു. നാട്ടിലെ സമാധാന അന്തരീക്ഷം തകര്‍ക്കുന്ന സാമൂഹ്യ വിരുദ്ധര്‍ക്കെതിരേ ജനങ്ങള്‍ ജാഗ്രത പാലിക്കണമെന്നും കുറ്റവാളികളെ പിടികൂടാന്‍ പൊലിസ് തയാറാകണമെന്നും ജനതാദള്‍(യു) നിയോജക മണ്ഡലം പ്രസിഡന്റ് ഭാസ്‌കരന്‍ കൊഴുക്കല്ലൂര്‍ ആവശ്യപ്പെട്ടു.