തിരുവനന്തപുരം: സര്‍ക്കാര്‍ ആശുപത്രികള്‍ വീണ്ടും സമരകലുഷിതമാകുന്നു. ആവശ്യങ്ങളില്‍ തീരുമാനം വൈകുന്നതിനെതിരെയാണ് സര്‍ക്കാര്‍ ഡോക്ടര്‍മാര്‍ സമരത്തിലേക്കിറങ്ങുന്നത്. സെക്രട്ടറിയേറ്റിന് മുന്നില്‍ നില്‍പ്പ് സമരമാണ് ആദ്യം ആരംഭിക്കുന്നത്. പ്രാഥമികാരോഗ്യ കേന്ദ്രങ്ങള്‍ മുതലുള്ള ആരോഗ്യകേന്ദ്രങ്ങളിലെ ഡോക്ടര്‍മാര്‍ ഉള്‍പ്പെടെ സമരത്തിന്റെ ഭാഗമാകുമെന്ന് അറിയിച്ചിട്ടുണ്ട്.

ശമ്പളവും മറ്റ് ആനുകൂല്യങ്ങളും വെട്ടിക്കുറച്ചതില്‍ പ്രതിഷേധിച്ചാണ് സമരം. കെ.ജി.എം.ഒ.എയുടെ നേതൃത്വത്തിലാണ് സര്‍ക്കാര്‍ ഡോക്ടര്‍മാരുടെ സമരം ശക്തമാക്കുന്നത്. അതേ സമയം നീറ്റ്-പി.ജി പ്രവേശനം നീളുന്നതിനെതിരെ പി.ജി ഡോക്ടര്‍മാരും ബുധനാഴ്ച മുതല്‍ സമരം കടുപ്പിക്കുകയാണ്.
മെഡിക്കല്‍ കോളേജ് അധ്യാപകരും ഒരുഭാഗത്ത് ശമ്പള വര്‍ധനവിലെ അപാകതകള്‍ക്കെതിരെ സമരം തുടരുകയാണ്.