കോഴിക്കോട്: കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ നടപടികള്‍ക്കെതിരേ യു.ഡി.എഫ് സംസ്ഥാന വ്യാപകമായി നടത്തുന്ന പരിപാടിയുടെ ഭാഗമായി 30ന് കോഴിക്കോട് കലക്ടറേറ്റിന് മുന്നില്‍ ധര്‍ണ നടത്തും. രാവിലെ 10ന് പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും.
എം.പിമാരായ എം.കെ രാഘവന്‍, മുല്ലപ്പള്ളി രാമചന്ദ്രന്‍, എം.ഐ ഷാനവാസ്, എം.എല്‍.എമാരായ ഡോ. എം.കെ മുനീര്‍, പാറക്കല്‍ അബ്ദുല്ല പങ്കെടുക്കും. രാവിലെ 9.30ന് എരഞ്ഞിപ്പാലം ജങ്ഷനില്‍ നിന്നാരംഭിക്കുന്ന പ്രകടനത്തില്‍ ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ യു.ഡി.എഫ് അംഗങ്ങളും നിയോജക മണ്ഡലം, പഞ്ചായത്ത് തലത്തിലുള്ള യു.ഡി.എഫ് പ്രവര്‍ത്തകരും പങ്കെടുക്കണമെന്ന് യു.ഡി.എഫ് ജില്ലാ ചെയര്‍മാന്‍ അഡ്വ. പി. ശങ്കരന്‍, കണ്‍വീനര്‍ വി. കുഞ്ഞാലി അഭ്യര്‍ഥിച്ചു.