കണ്ണൂര്‍: ഇന്നുപുലര്‍ച്ചെ നാലെ മുക്കാലിന് കണ്ണൂരില്‍ നിന്നും പുറപ്പെടുന്ന ജനശതാബ്ദി എക്‌സ്പ്രസ് റദ്ദാക്കി. അങ്കമാലിയില്‍ ട്രെയിന്‍താളംതെറ്റിയതിനെ തുടര്‍ന്നാണ് ജനശതാബ്ദി ഭാഗികമായി റദ്ദാക്കിയത്. കണ്ണൂരില്‍ നിന്നും എര്‍ണാകുളം ജംങ്ഷന്‍വരെയുള്ള ട്രെയിനാണ് റദ്ദാക്കിയത്. നേരത്തെ നിശ്ചയിച്ച ഷെഡ്യൂള്‍ സമയപ്രകാരം എര്‍ണാകുളം ജങ്ഷനില്‍ നിന്നും ജനശതാബ്ദി തിരുവനന്തപുരത്തേക്ക് പുറപ്പെടും. 16308 കണ്ണൂര്‍, ആലപ്പുഴ എക്‌സിക്യൂട്ടീവ് എക്‌സ് പ്രസ് ഇന്ന് വൈകിയോടും. കണ്ണൂര്‍- എര്‍ണാകുളം ഇന്റര്‍സിറ്റി എക്‌സ് പ്രസും വൈകിയോടും.മംഗളൂരില്‍നിന്ന് പുറപ്പെടുന്ന പരശുറാം, ഏറനാട്, ലോകമാന്യതിലക്, എന്നിവയുടെയും അങ്കമാലിയിലെ ട്രെയിന്‍നീക്കലിനെ അടിസ്ഥാനമാക്കി സമയംപുന:ക്രമീകരിച്ചിട്ടുണ്ട്.