മുംബൈ: ഈ മാസം അവസാനത്തില്‍ തുടങ്ങാനിരിക്കുന്ന ദക്ഷിണാഫ്രിക്കന്‍ പര്യടനത്തിനുള്ള ഇന്ത്യന്‍ ടെസ്റ്റ് ടീമിനെ പ്രഖ്യാപിച്ചു. ഡിസംബര്‍ 26 മുതല്‍ 30 വരെ സെന്‍ജൂറിയനിലാണ് ആദ്യ മത്സരം. പരുക്കിനെ തുടര്‍ന്ന് രവീന്ദ്ര ജഡേജ, ശുഭ്മാന്‍ ഗില്‍ എന്നിവരെ ടീമില്‍നിന്ന് ഒഴിവാക്കി.

രോഹിത് ശര്‍മ ഇന്ത്യന്‍ ക്രിക്കറ്റ് ഏകദിന ടീമിന്റെയും ക്യാപ്റ്റനായി തെരഞ്ഞെടുത്തു. വീരാട് കോഹ്‌ലിയെ മാറ്റിയാണ് ഏകദിന ടീമിന്റെ ക്യാപ്റ്റനായി രോഹിത്തിനെ ബി.സി.സി.ഐ പ്രഖ്യാപിച്ചത്. ട്വന്റി20 ക്യാപ്റ്റന്‍ സ്ഥാനത്തുനിന്ന് കോഹ്‌ലി നേരത്തെ പിന്മാറിയിരുന്നു. വൈസ് ക്യാപ്റ്റനായും രോഹിത്തിനെ നിയമിച്ചു. അജിങ്ക്യ രഹാനക്കു പകരമാണ് നിയമനം.

ടെസ്റ്റ് ടീം: വീരാട് കോഹ്‌ലി (ക്യാപ്റ്റന്‍), രോഹിത്ത് ശര്‍മ (വൈസ്), കെ.എല്‍. രാഹുല്‍, മായങ്ക് അഗര്‍വാള്‍, ചെതേശ്വര്‍ പൂജാര, അജിങ്ക്യ രാഹാനെ, ശ്രേയസ്സ് അയ്യര്‍, ഹനുമ വിഹാരി, ഋഷഭ് പന്ത് (വിക്കറ്റ് കീപ്പര്‍), വൃദ്ധിമാന്‍ സാഹ, ആര്‍. അശ്വിന്‍, ജയന്ത് യാദവ്, ഇഷാന്ത് ശര്‍മ, മുഹമ്മദ് ശമി, ഉമേശ് യാദവ്, ജസ്പ്രീന്ത് ബുംറ, ശര്‍ദുല്‍ താക്കൂര്‍, മുഹമ്മദ് സിറാജ്.