തിരുവനന്തപുരം: കേരള പൊലീസിന് കീഴില്‍ പ്രവര്‍ത്തിക്കുന്ന സ്റ്റുഡന്റ് പൊലിസ് കേഡറ്റിന്റെ ഔദ്യോഗിക ഫേസ്ബുക്ക് പേജില്‍ ബി.ജെ.പി പോസ്റ്റര്‍. സംയുക്ത സേന മേധാവി ബിപിന്‍ റാവത്തിന് ആദരാഞ്ജലികള്‍ അര്‍പ്പിച്ച് കൊണ്ടുള്ള ബി.ജെ.പി കേരള ഘടകത്തിന്റെ പോസ്റ്ററാണ് സ്റ്റുഡന്റ് പൊലീസ് കേഡറ്റ് പേജില്‍ പോസ്റ്റ് ചെയ്തത്.

വിവാദമായതോടെ പോസ്റ്റര്‍ നീക്കം ചെയ്ത് പുതിയ പോസ്റ്റര്‍ പോസ്റ്റ് ചെയ്തു. പുതിയ പോസ്റ്ററിന് താഴെയും വിമര്‍ശനവുമായി പലരും രംഗത്തെത്തി. ഇതോടെ പോസ്റ്റ് തന്നെ നീക്കം ചെയ്തു.