മാഞ്ചസ്റ്റര്‍: ഇംഗ്ലീഷ് പ്രീമിയര്‍ ലീഗില്‍ നിലവിലെ ചാംപ്യന്മാരായ മാഞ്ചസ്റ്റര്‍ സിറ്റിയ്ക്ക് ജയം. വോള്‍വ്സിനെ എതിരില്ലാത്ത ഒരു ഗോളിനാണ് സിറ്റി പരാജയപ്പെടുത്തിയത്.

സിറ്റിയുടെ ഹോം ഗ്രൗണ്ടില്‍ നടന്ന മത്സരത്തില്‍ റഹീം സ്റ്റര്‍ലിങ്ങാണ് വിജയ ഗോള്‍ നേടിയത്. 66-ാം മിനിറ്റിലെ പെനാല്‍റ്റി ലക്ഷ്യത്തിലെത്തിച്ചാണ് സ്റ്റെര്‍ലിങ് ടീമിനായി വല ചലിപ്പിച്ചത്. വോള്‍വ്സിന്റെ മൗട്ടിന്യോയുടെ കൈയില്‍ പന്തുതട്ടിയതിനെത്തുടര്‍ന്നാണ് റഫറി പെനാല്‍റ്റി വിധിച്ചത്.

ഈ വിജയത്തോടെ 16 മത്സരങ്ങളില്‍ നിന്ന് 12 വിജയവുമായി സിറ്റി ഒന്നാം സ്ഥാനത്താണ്.