മലപ്പുറം: സി.പി.എം നേതാവായ അധ്യാപകനെതിരെ പോക്‌സോ കേസ്. മലപ്പുറം എടക്കര സി.പി.എം ഏരിയാ കമ്മറ്റിയംഗം സുകുമാരനെതിരെയാണ് നിലമ്പൂര്‍ പൊലിസ് കേസെടുത്തത്. മോശമായി പെരുമാറിയെന്ന വിദ്യാര്‍ഥിനിയുടെ പരാതിയിലാണ് അധ്യാപകനെതിരെ പോക്‌സോ നിയമപ്രകാരം കേസെടുത്തത്.

സി.പി.എം നിയന്ത്രണത്തിലുള്ള നിലമ്പൂര്‍ സഹകരണ കോളേജിലെ സെക്രട്ടറിയും അദ്ധ്യാപകനുമാണ് സുകുമാരന്‍. നാല് വിദ്യാര്‍ഥിനികളുടെ പരാതിയില്‍ രണ്ട് കേസുകളാണ് പൊലിസ് റജിസ്റ്റര്‍ ചെയ്തിട്ടുള്ളത്. മജിസ്ട്രേറ്റിന് മുന്‍പാകെ വിദ്യാര്‍ത്ഥിനികളുടെ രഹസ്യ മൊഴിയും രേഖപ്പെടുത്തിയിട്ടുണ്ട്.