തിരുവനന്തപുരം: സംസ്ഥാനത്ത് ആദ്യമായി ഒമിക്രോണ്‍ സ്ഥിരീകരിച്ചു. യു.കെയില്‍നിന്നെത്തിയ ആള്‍ക്കാണ് രോഗം സ്ഥിരീകരിച്ചത്. ആറാംതിയതിയാണ് എറണാകുളം സ്വദേശിയായ ഇയാള്‍ കൊച്ചി എയര്‍പോര്‍ട്ടില്‍ ഇറങ്ങിയത്.

വിമാനത്തിലുണ്ടായിരുന്ന 149 പേര്‍ക്ക് ജാഗ്രതാ നിര്‍ദേശം നല്‍കിയിട്ടുണ്ടെന്നും രോഗിയുടെ ആരോഗ്യനില തൃപ്തികരമാണെന്നും ആരോഗ്യമന്ത്രി പറഞ്ഞു. യു.കെയില്‍ നിന്ന് അബുദാബി വഴിയാണ് കൊച്ചിയിലെത്തിയത്. രോഗിക്ക് മറ്റു സമ്പര്‍ക്കങ്ങളില്ല. രോഗിയുടെ ഭാര്യക്കും അമ്മക്കും കൊവിഡ് പോസിറ്റീവാണ്.