അബുദാബി: ഗ്രാന്‍പ്രി ഫോര്‍മുല വണ്ണില്‍ റെഡ്ബുള്ളിന്റെ മാക്‌സ് വേര്‍സ്റ്റാപ്പന്‍ ലോകചാമ്പ്യനായി. ഗ്രാന്‍പ്രി ഫോര്‍മുല വണ്ണിലെ റെഡ് ബുള്ളിന്റെ ആദ്യ കിരീടമാണിത്. അബുദാബി ഗ്രാന്‍പ്രിയില്‍ മാക്‌സ് വേര്‍സ്റ്റാപ്പന്‍ ഒന്നാം സ്ഥാനത്ത് ഫിനിഷ് ചെയ്തു.

അവസാന ലാപ്പില്‍ മെഴ്‌സിഡീസ് താരം ലൂയിസ് ഹാമില്‍ട്ടണനെ മറികടന്നാണ് നേട്ടം. 32 പോയിന്റിന്റെ ലീഡുമായി ചാമ്പ്യന്‍ഷിപ്പില്‍ വേര്‍സ്റ്റാപ്പന്‍ വ്യക്തമായ ആധിപത്യം നേടിയിരുന്നു. അവസാന മത്സരത്തിന് ഇറങ്ങുന്നതിനു മുന്‍പ് ഇരുവര്‍ക്കും ഒരേ പോയിന്റായിരുന്നു.നിലവില്‍ ഏഴു കിരീടങ്ങളുമായി ഇതിഹാസ താരം മൈക്കല്‍ ഷൂമാക്കറിന് ഒപ്പമുള്ള ഹാമില്‍ട്ടന്‍, വിജയിച്ചിരുന്നെങ്കില്‍ ഏറ്റവും കൂടുതല്‍ എഫ് വണ്‍ കിരീടങ്ങളെന്ന റെക്കോര്‍ഡിലെത്തുമായിരുന്നു.