കോഴിക്കോട്: അനശ്വര സംഗീത സംവിധായകന്‍ എം.എസ് ബാബുരാജിന്റെ ഭാര്യ ബിച്ച ബാബു രാജ് (82) അന്തരിച്ചു. കൊണ്ടോട്ടി തുറക്കലിലെ വീട്ടിലാണ് അന്ത്യം. നാളെ രാവിലെ 8 മണിയോടെ തുറക്കലില്‍ നിന്ന് മൃതദേഹം കോഴിക്കോട് മാത്തോട്ടത്തേക്ക് കൊണ്ടുവരും.

സംസ്‌കാരം രാവിലെ ഒന്‍പതിന് മാത്തോട്ടം ജുമ മസ്ജിദ് ഖബറിസ്ഥാനില്‍ നടക്കും. ബാബുരാജിന്റെ ഖബറിടവും ഇവിടെയാണ്. കല്ലായി കുണ്ടുങ്ങല്‍ മൊയ്തീന്റേയും ബിച്ചാമിനയുടേയും മകളാണ്. 1956ലാണ് ബാബുരാജിനെ വിവാഹം കഴിക്കുന്നത്.