ബീജിങ്: കൊറോണ വൈറസിന്റെ പുതിയ വകഭേദമായ ഒമിക്രോണ്‍ കൂടുതല്‍ രാജ്യങ്ങളിലേക്ക് വ്യാപിക്കുന്നു. ചൈനയിലെ തുറമുഖ നഗരമായ ടിയാന്‍ജിനിലും രോഗം സ്ഥിരീകരിച്ചു. വിദേശയാത്ര കഴിഞ്ഞെത്തിയ പൗരനാണ് രോഗം സ്ഥിരീകരിച്ചതെന്ന് ചൈനീസ് ആരോഗ്യമന്ത്രാലയം അറിയിച്ചു. ഡിസംബര്‍ ഒന്‍പതിനാണ് ഇയാള്‍ ചൈനയിലെത്തിയത്.

രോഗം സ്ഥിരീകരിച്ചയാള്‍ സിറ്റി ആശുപത്രിയില്‍ ചികിത്സയിലാണെന്നും നിരീക്ഷണത്തിലാണെന്നും ആശുപത്രി അധികൃതര്‍ അറിയിച്ചു.

രാജ്യത്ത് ഡെല്‍റ്റ വകഭേദവും വ്യാപിക്കുകയാണ്. കിഴക്കന്‍ ചൈനയിലെ ഷെജിയാങ് പ്രവിശ്യയില്‍ ഒരു വ്യാവസായിക പവര്‍ ഹൗസിലെ നൂറിലധികം പേര്‍ക്ക് രോഗം സ്ഥിരീകരിച്ചു. നിരവധി പേരുടെ സാംപിളുകള്‍ പരിശോധനയ്ക്ക് അയച്ചിരിക്കുകയാണ്.

അതേസമയം, ആദ്യ ഒമിക്രോണ്‍ മരണം യു.കെയില്‍ റിപ്പോര്‍ട്ട് ചെയ്തു. പ്രധാനമന്ത്രി ബോറിസ് ജോണ്‍സനാണ് ഇക്കാര്യം അറിയിച്ചത്.