വാടാനപ്പള്ളി: തൃത്തല്ലൂരില്‍ വീട്ടുമുറ്റത്ത് പാര്‍ക്ക് ചെയ്തിരുന്ന ഓട്ടോറിക്ഷ തീവച്ച് നശിപ്പിച്ച കേസില്‍ പതിനേഴുകാരന്‍ ഉള്‍പ്പെടെ മൂന്നു പേരെ വാടനപ്പള്ളി എസ്.ഐ ഡി.ശ്രീജിത്തും സംഘവും അറസ്റ്റ് ചെയ്തു.തൃത്തല്ലൂര്‍ സ്വദേശി വാലത്ത് വീട്ടില്‍ മനോജ്(26), പൊക്കാഞ്ചേരി സ്വദേശി മോങ്ങാടി വീട്ടില്‍ ജിനേഷ്(27), തൃത്തല്ലൂര്‍ സ്വദേശിയായ പതിനേഴുകാരന്‍ എന്നിവരാണ് അറസ്റ്റിലായത്.
പ്രതികളില്‍ രണ്ടു പേരെ ചാവക്കാട് കോടതിയിലും കൗമാരക്കാരനെ ജുവനൈല്‍ ജസ്റ്റിസ് ബോര്‍ഡിനു മുന്നിലും ഹാജരാക്കി.മൂന്നു പേരും ബി.ജെ.പി അനുഭാവികളാണെന്ന് പൊലിസ് പറഞ്ഞു. കഴിഞ്ഞ വ്യാഴാഴ്ച രാത്രി പതിനൊന്നരയോടെയാണ് തൃത്തല്ലൂര്‍ പടിഞ്ഞാറ് ദുബായ് റോഡില്‍ സി.ഐ.ടി.യു പ്രവര്‍ത്തകനായ ഇയ്യാനി ഞായക്കാട്ട് ഷജിലിന്റെ ഓട്ടോ അക്രമി സംഘം തീവച്ച് നശിപ്പിച്ചത്.