കോഴിക്കോട്: തിക്കോടിയില്‍ യുവാവ് പെട്രോള്‍ ഒഴിച്ച് തീകൊളുത്തിയ പെണ്‍കുട്ടി മരിച്ചു.തിക്കോടി പഞ്ചായത്തിലെ താല്‍ക്കാലിക ജീവനക്കാരി കൃഷ്ണപ്രിയയെയാണ് മരിച്ചത്. കൃഷ്ണപ്രിയയെ തീകൊളുത്തിയ ശേഷം ആത്മഹത്യയ്ക്ക് ശ്രമിച്ച തിക്കോടി പളളിത്താഴം സ്വദേശി നന്ദു അതീവ ഗുരുതരാവസ്ഥയില്‍ കോഴിക്കോട് മെഡിക്കല്‍ കോളജ് ആശുപത്രിയില്‍ ചികില്‍സയിലാണ്. 

പഞ്ചായത്ത് ഓഫിസിലെ താല്‍ക്കാലിക ജീവനക്കാരിയെയാണ് തിക്കോടിയിലെ പള്ളിത്താഴ മോഹനന്റെ മകന്‍ നന്ദു തീകൊളുത്തിയത്. പഞ്ചായത്ത് ഓഫിസിലെ ജീവനക്കാരാണ് രണ്ടുപേരുടെയും ദേഹത്തെ തീയണച്ചത്. അതിനുശേഷമാണ് പെണ്‍കുട്ടിയെ തിരിച്ചറിഞ്ഞത്. പെണ്‍കുട്ടിക്കു ബോധമുണ്ടായിരുന്നു. താന്‍ നിരപരാധിയാണെന്നും തനിക്കൊന്നുമറിയില്ലെന്നും തന്നെ കെട്ടിപ്പിടിച്ചശേഷം അയാള്‍ തീകൊളുത്തുകയായിരുന്നുവെന്ന് യുവതി ഇവരോട് പറഞ്ഞു.