വടക്കാഞ്ചേരി: ജനമൈത്രി പൊലിസിന്റെ നേതൃത്വത്തില്‍ എങ്കക്കാട് ഒടുവില്‍ കുഞ്ഞികൃഷ്ണമേനോന്‍ സ്മാരക വായനശാലയില്‍ നടന്നുവരുന്ന പി.എസ്.സി കോച്ചിങ് ക്ലാസിന് രണ്ട് വയസ്. വാര്‍ഷികാഘോഷവും അനുമോദന യോഗവും ഉത്സവാന്തരീക്ഷത്തില്‍ നടന്നു.
കേരളവര്‍മ്മ വായനശാലാ ഹാളില്‍ നടന്ന പരിപാടി കുന്നംകുളം ഡി.വൈ.എസ്.പി പി.വിശ്വംഭരന്‍ ഉദ്ഘാടനം ചെയ്തു. മുന്‍ വടക്കാഞ്ചേരി സി.ഐ എ.വിപിന്‍ദാസ് അധ്യക്ഷനായി. മുഖ്യപരിശീലകന്‍ എം.ഡി സന്തോഷ് കുമാര്‍ റിപ്പോര്‍ട്ട് അവതരിപ്പിച്ചു. നഗരസഭ കൗണ്‍സിലര്‍ വി.പി മധു, കേരളവര്‍മ്മ വായനശാലാ പ്രസിഡന്റ് വി.മുരളി, കെ.ദീപക്കുമാര്‍, അഡ്വ: സി.വിജയന്‍ പ്രസംഗിച്ചു.