വടക്കാഞ്ചേരി: ഇലക്ട്രിക്കല്‍ സൂപ്പര്‍വൈസേഴ്‌സ് ആന്റ് വയര്‍മാന്‍ അസോസിയേഷന്‍ ഇരുപത്തി രണ്ടാമത് വാര്‍ഷിക സമ്മേളനം വടക്കാഞ്ചേരി നഗരസഭ വൈസ് ചെയര്‍മാന്‍ എം.ആര്‍ അനൂപ് കിഷോര്‍ ഉദ്ഘാടനം ചെയ്തു.
ഇ.എസ് ആന്റ് ഡബ്ല്യു.എ ജില്ലാ പ്രസിഡന്റ് വി.എം മുരളീധരന്‍ അധ്യക്ഷനായി. പി.എം പരമേശ്വരന്‍, പി.വി നാരായണന്‍കുട്ടി മേനോന്‍ എന്നിവരെ ചടങ്ങില്‍ ആദരിച്ചു. അക്കാദമിക് രംഗത്ത് മികച്ച പ്രകടനം നടത്തിയ സംഘടനാംഗങ്ങളുടെ മക്കളെ സംസ്ഥാന പ്രസിഡന്റ് പി.കെ രാജന്‍ അനുമോദിച്ചു. അരവിന്ദാക്ഷന്‍, പി.കെ അപ്പുക്കുട്ടി, എന്‍.കെ തങ്കച്ചന്‍ എന്നിവര്‍ പ്രസംഗിച്ചു. വിവിധ വിഷയങ്ങളില്‍ സെമിനാറുകളും നടന്നു. കെ.ടി സന്തോഷ്, കെ.കെ ബീന എന്നിവര്‍ ക്ലാസെടുത്തു.