ബാഴ്‌സലോണ: സാവി യുഗത്തിലെ ആദ്യ വലിയ സൈനിങ് ബാഴ്‌സലോണ പൂര്‍ത്തിയാക്കി. മാഞ്ചസ്റ്റര്‍ സിറ്റിയുടെ അറ്റാക്കിംഗ് താരമായ ഫെറാന്‍ ടോറസുമായി ബാഴ്‌സലോണ കരാറില്‍ എത്തി. ഉടന്‍ തന്നെ ബാഴ്‌സലോണ ഈ ട്രാന്‍സ്ഫര്‍ ഔദ്യോഗികമായി പ്രഖ്യാപിക്കും.

65 മില്യണ്‍ യൂറോ ആണ് ട്രാന്‍സ്ഫര്‍ തുക. ഫെറാന്‍ ടോറസ് ബാഴ്‌സലോണയില്‍ നാലു വര്‍ഷത്തെ കരാര്‍ ആകും ഒപ്പുവെക്കുക. ജനുവരി തുടക്കത്തില്‍ തന്നെ താരം ബാഴ്‌സലോണക്കായി കളിക്കും.

നേരത്തെ ബാഴ്‌സലോണ ഫ്രീ ട്രാന്‍സ്ഫറില്‍ സൈന്‍ ചെയ്ത ഡാനി ആല്വസും ജനുവരിയില്‍ ബാഴ്‌സലോണക്കായി കളിക്കും. വലന്‍സിയയുടെ താരമായിരുന്നു ടോറസ് കഴിഞ്ഞ സീസണിലാണ് മാഞ്ചസ്റ്റര്‍ സിറ്റിയില്‍ എത്തിയത്.