കോഴിക്കോട്
ശശിതരൂർ എം.പി പാർട്ടി നിലപാടിനോടൊപ്പം നിൽക്കണമെന്ന് കെ. മുരളീധരൻ എം.പി. ലീഡർ സ്റ്റഡി സെന്റർ സംഘടിപ്പിച്ച കെ.കരുണാകരൻ അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം.
കെ റെയിൽ പദ്ധതിയിൽ എതിർപ്പ് അറിയിച്ചുകൊണ്ടുള്ള എം.പിമാരുടെ കത്തിൽ തരൂർ ഒപ്പിടാതിരുന്നത് ദൗർഭാഗ്യകരമാണ്.
തരൂർ പാർട്ടി വിട്ടുപോകുമെന്ന് കരുതുന്നില്ല. കെ.സുധാകരൻ നൽകിയത് മുന്നറിയിപ്പ് മാത്രമാണ്. പുറത്താക്കിയാൽ വിഷയം മാറും. പ്രതിസന്ധികളിൽ അദ്ദേഹത്തോടൊപ്പമാണ് പാർട്ടി നിന്നത്. ഗുണ്ടകളുടെ കൈയിൽനിന്ന് പൊലിസിനെ പോലും രക്ഷിക്കാനാവാത്ത മുഖ്യമന്ത്രിയാണ് പിണറായി വിജയൻ.
യഥാർഥ ഹിന്ദുമത ആശയങ്ങളും ബി.ജെ.പിയുടെ ഹിന്ദുത്വവും തമ്മിലുള്ള വ്യത്യാസമാണ് രാഹുൽ ഗാന്ധി പറഞ്ഞത്. ഇതിനെ തെറ്റായി വ്യാഖ്യാനിക്കാനാണ് പിണറായി ശ്രമിക്കുന്നതെന്നും മുരളീധരൻ കുറ്റപ്പെടുത്തി.