ഹരിപ്പാട് : പണവും  മൊബൈല്‍ ഫോണും കവര്‍ന്ന സംഭവത്തിലെ പ്രതിയെ പോലീസ് അറസ്റ്റ് ചെയ്തു. തുലാം പറമ്പ് വടക്ക് കോളാത്ത് തെക്കതില്‍ അനസ് (25)നെയാണ് ഹരിപ്പാട് പോലീസ് സബ്ബ് ഇന്‍സ്‌പെക്ടര്‍ എസ്.എസ്.ബൈജുവിന്റെ നേതൃത്വത്തിലുള്ള പോലീസ് സംഘം കഴിഞ്ഞ ദിവസം പിടികൂടിയത്. കഴിഞ്ഞ 25 ന് രാത്രി 7.30 ന് റെയില്‍വെ സ്റ്റേഷന്‍ റോഡില്‍ കൂടി നടന്നു വരികയായിരുന്ന അകം കുടിഗോകുലത്തില്‍ ഗൗതം കൃ ഷണന്‍ (18)ന്റെ 10,000 രൂപാ വില വരുന്ന മൊബൈല്‍ ഫോണും, 19 ന് രാത്രി 7 ന് നങ്ങ്യാര്‍ കുളങ്ങര എന്‍.ടി.പി.സി. ക്വോര്‍ട്ടേഴ്‌സ് റോഡില്‍ നടന്നു വരികയായിരുന്ന ബംഗാള്‍ സ്വദേശി രാത് നികന്താ റോയി (23) ന്റെ കൈയ്യില്‍ നിന്നും മൊബൈല്‍ ഫോണും 25,00 രൂപയും കഴിഞ്ഞ ജൂണില്‍ ആലും ചുവട് റെയില്‍വെ ക്രോസിന് സമീപം വെച്ച് അനു(27) നെ ആക്രമിച്ച് പണം കവര്‍ന്ന കേസിലും പ്രതിയാണ് അനസ്.
കഴിഞ്ഞ ദിവസം വൈകിട്ട് 6 ന് കുട്ടത്തേ ത്ത് ജംഗ്ഷനില്‍ വെച്ചാണ് ഇയാള്‍ പോലീസിന്റെ വലയില്‍ പെട്ടത്. കവര്‍ന്ന മൊബൈല്‍ ഫോണുകള്‍ പ്രതി യില്‍ നിന്നും കണ്ടെടുത്തു .ഹരിപ്പാട്, കൊല്ലം വെസ്റ്റ്, കുണ്ടറ പോലീസ് സ്റ്റേഷനുകളില്‍ മോഷണത്തിനും, കൊലപാതക ശ്രമത്തിനും ഉള്‍പ്പെടെ നിരവധി കേസുകളില്‍ പ്രതിയായ ഇയാളെ കൂടുതല്‍ ചോദ്യം ചെയ്ത് വരുന്നതായും, രാത്രിയില്‍ ബൈക്കില്‍ കറങ്ങി നടന്ന് കവര്‍ച്ച നടത്തുന്നത് ഇയാളുടെ മോഷണ രീതിയാണെന്നും എസ്.ഐ. പറഞ്ഞു.അജയകുമാര്‍, പ്രസാദ്, അജിത്ത്, കൃഷ്ണകുമാര്‍, അഞ്ജു, ശ്രീകുമാര്‍ എന്നീ പോലീസ് ഉദ്യോഗസ്ഥരും സംഘത്തില്‍ ഉണ്ടായിരുന്നു.