കോഴിക്കോട്: സുപ്രഭാതം പ്രസിദ്ധീകരിക്കുന്ന ചെറുശ്ശേരി ഉസ്താദ് സ്മരണികയുടെ പ്രകാശന കര്‍മം സെപ്റ്റംബര്‍ എട്ടിന് രാവിലെ 10ന് സ്പീക്കര്‍ ശ്രീരാമകൃഷ്ണന്‍ നിര്‍വഹിക്കും. കോഴിക്കോട് ടൗണ്‍ഹാളില്‍ നടക്കുന്ന ചടങ്ങില്‍ സുപ്രഭാതം ചെയര്‍മാന്‍ കോട്ടുമല ടി.എം ബാപ്പുമുസ്്‌ലിയാര്‍ അധ്യക്ഷനാകും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ആദ്യപ്രതി ഏറ്റുവാങ്ങും.
എം.കെ രാഘവന്‍ എം.പി, എ. പ്രദീപ്കുമാര്‍ എം.എല്‍.എ എന്നിവര്‍ വിശിഷ്ടാതിഥികളാവും. എ.പി മുഹമ്മദ് മുസ്്‌ലിയാര്‍ കുമരംപുത്തൂര്‍, സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, എം.ടി അബ്ദുല്ല മുസ്്‌ലിയാര്‍, പി.കെ.പി അബ്ദുസ്സലാം മുസ്്‌ലിയാര്‍, സി.കെ.എം സ്വാദിഖ് മുസ്്‌ലിയാര്‍ പ്രസംഗിക്കും. സമസ്ത ജനറല്‍ സെക്രട്ടറി പ്രൊഫ.കെ. ആലിക്കുട്ടി മുസ്‌ലിയാര്‍ അനുസ്മരണ പ്രഭാഷണം നടത്തും. 11 മണിക്ക് നടക്കുന്ന മാധ്യമസെമിനാറില്‍ മാധ്യമങ്ങളും ഭീകരതയും എന്ന വിഷയം ചര്‍ച്ച ചെയ്യും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും.