മാറുന്ന കാലത്ത് ഏറെ തൊഴിൽസാധ്യതകൾ സൃഷ്ടിക്കുന്ന കോഴ്സ് ആണ് ഫിൻടെക്. ഫിനാൻസ് വിത്ത് ടെക്നോളജിയുടെ ചുരുക്കപ്പേരാണിത്. വിദേശത്ത് പഠിക്കുവാനും ജോലി ചെയ്യുവാനും ഏറെ സാധ്യത നൽകുന്ന കോഴ്സാണിത്.

സാമ്പത്തിക സേവനങ്ങളിൽ ഇൻ്റർനെറ്റ്, മൊബൈൽ ഫോണുകൾ, ക്ലൗഡ്, മറ്റ് സാങ്കേതിക വിദ്യകൾ എന്നിവയുടെ സംയോജനമൊക്കെയാണ് പഠന പരിധിയിൽ വരുന്നത്. 2022 നും 2030 നും ഇടയിൽ 26.2% സംയുക്ത വാർഷിക വളർച്ചാ നിരക്ക് പ്രതീക്ഷിക്കുന്ന മേഖല കൂടിയാണിത്. യുഎസ്എ, യുകെ, അയർലാൻഡ്, കാനഡ തുടങ്ങിയ  രാജ്യങ്ങളിൽ മികച്ച അവസരങ്ങൾ ഉണ്ട്. ഫിനാൻസുമായി ബന്ധപ്പെട്ട പഠനമായതിനാൽ തന്നെ തൊഴിലവസരങ്ങൾ പരിമിതമല്ല. ഓഡിറ്റിംഗ്, അക്കൗണ്ടിംഗ് മേഖലകളിൽ മികച്ച കരിയർ ഈ കോഴ്സിലൂടെ നേടാം.