കോഴിക്കോട് : സി.പി.എം നേതാവ് എം.വി ജയരാജന്‍ സമസ്ത സെക്രട്ടറി കെ.ഉമര്‍ ഫൈസിയും തമ്മില്‍ നടന്ന കൂടിക്കാഴ്ച മനുഷ്യസൗഹാര്‍ദത്തിന്റെ ഭാഗം മാത്രമാണെന്ന് സമസ്ത കേരള ജംഇയ്യതുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ് രി മുത്തുക്കോയ തങ്ങള്‍. മതം മധുരമാണ് എസ്.കെ.എസ്.എസ്.എഫ് കാംപയിന്‍ ഉല്‍ഘാടനം ചെയ്ത ശേഷം മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം. സമസ്ത ലീഗ് ബന്ധത്തില്‍ വിള്ളലുണ്ടായതായി അനുഭവപ്പെട്ടിട്ടില്ല. 'മത അധ്യക്ഷന്മാരെ പള്ളിയില്‍ കയറ്റില്ല' എന്ന് ചിലര്‍ പറഞ്ഞതായി ശ്രദ്ധയില്‍ പെടുത്തിയപ്പോള്‍ 'മണ്ടന്മാരെയാണോ പിന്നെ കയറ്റേണ്ടത്' എന്നായിരുന്നു ജിഫ്രി തങ്ങളുടെ പ്രതികരണം.