പുവാര്‍: ഡ്രൈവര്‍ക്ക് ഹൃദയാഘാതമുണ്ടായതിനെ ടിപ്പര്‍ ലോറി നിയന്ത്രണംവിട്ടു. ലോറി റോഡരികില്‍ പാര്‍ക്ക് ചെയ്തിരുന്ന കാറിലിടിച്ചെങ്കിലും അതില്‍ യാത്രക്കാരില്ലാതിരുന്നതിനാല്‍ വന്‍അപകടം ഒഴിവായി.
അരുമാനൂര്‍ എം.വി ഹയര്‍ സെക്കന്‍ഡറി സ്‌കൂളിനു സമീപം ഇന്നലെ ഉച്ചയ്ക്ക് രണ്ടര മണിയോടുകൂടിയായിരുന്നു അപകടം. ടിപ്പര്‍ ഓടിച്ചിരുന്ന കല്ലറ സ്വദേശി ഷിബുവിന് ഹൃദയാഘാതം ഉണ്ടായതിനെ തുടര്‍ന്ന് നിയന്ത്രണം നഷ്ട പ്പെട്ട ലോറി റോഡരികില്‍ പാര്‍ക്ക് ചെയ്തിരുന്ന കാറിലിടിക്കുകയാരുന്നു.
ഇടിയെ തുടര്‍ന്ന് മുന്നോട്ട് നീങ്ങിയ കാര്‍ മരത്തിലിടിച്ചാണ് നിന്നത്. കാര്‍ പൂര്‍ണമായി തകര്‍ന്നു.