തിരുവനന്തപുരം: എന്റെ നഗരം സുന്ദര നഗരം പദ്ധതിയുടെ ഭാഗമായി തിരുവനന്തപുരം നഗരസഭ നഗരസഭ നാളെ പ്ലാസ്റ്റിക് ശേഖരിക്കും.
നഗരത്തിന്റെ വിവിധ കേന്ദ്രങ്ങളില്‍ പ്രത്യേക കൗണ്ടറുകള്‍ ഒരുക്കിയാണ് പ്ലാസ്റ്റിക് മാലിന്യങ്ങള്‍ ശേഖരിക്കുന്നത്. വൃത്തിയാക്കിയ പ്ലാസ്റ്റിക് മാലിന്യങ്ങള്‍ ഈ കൗണ്ടറുകളില്‍
നല്‍കാം. രാവിലെ എട്ടു മണിമുതല്‍ ഉച്ചയ്ക്ക് 12 മണിവരെയായിരിക്കും കൗണ്ടറുകള്‍ പ്രവര്‍ത്തിക്കുക.
കഴക്കൂട്ടം വാര്‍ഡ് കമ്മിറ്റി ഓഫീസിനു സമീപം വഞ്ചിയൂര്‍ ജങ്ഷന്‍, ചാക്ക ഹെല്‍ത്ത് ഇന്‍സ്‌പെക്ടര്‍ ഓഫീസിനു സമീപം, ഈസ്റ്റ് ഫോര്‍ട്ട് ചിത്തിരതിരുനാള്‍ പാര്‍ക്കിനു സമീപം, ജഗതി മൈതാനം, പൂജപ്പുര മൈതാനത്തിനു സമീപം, പൈപ്പിന്‍മൂട് ജങ്ഷന്‍, കവടിയാര്‍ പൈപ്പ്‌ലൈന്‍ റോഡ് എന്നിവിടങ്ങളിലായിരിക്കും കൗണ്ടറുകള്‍ പ്രവര്‍ത്തിക്കുക. വൃത്തിയുള്ള പ്ലാസ്റ്റിക് മാലിന്യങ്ങള്‍ മാത്രമേ കൗണ്ടറുകള്‍ വഴി സ്വീകരിക്കുകയുള്ളൂവെന്ന് മേയര്‍ വി.കെ.പ്രശാന്ത് അറിയിച്ചു. അടുത്ത മാസത്തില്‍ കുപ്പി മാലിന്യവും ഇ-വേസ്റ്റും ശേഖരിക്കുന്നതിന് പ്രത്യേക പരിപാടി സംഘടിപ്പിക്കുമെന്നും മേയര്‍ അറിയിച്ചു.