ഡല്‍ഹി: ഐ.സി.എസ്.ഇ പത്താം ക്ലാസ്, ഐ.എസ്.സി പന്ത്രണ്ടാം ക്ലാസ് പരീക്ഷകളുടെ ഫല പ്രഖ്യാപനം ഇന്ന്.  രാവിലെ 11 മണിക്കാണ് ഫല പ്രഖ്യാപനം. വിദ്യാര്‍ത്ഥികള്‍ക്ക് cisce.org, results.cisce.org എന്നീ സൈറ്റുകളില്‍ നിന്ന് ഫലം അറിയാം. ഇത് കൂടാതെ ഡിജിലോക്കര്‍ മൊബൈല്‍ ആപ്ലിക്കേഷനിലൂടെയും ഫലം അറിയാന്‍ കഴിയും. 

ദി കൌണ്‍സില്‍ ഫോര്‍ ഇന്ത്യന്‍ സ്‌കൂള്‍ സര്‍ട്ടിഫിക്കറ്റ് എക്‌സാമിനേഷന്‍സ് (സിഐഎസ്‌സിഇ) യാണ് ഫലം പ്രഖ്യാപിക്കുക. ഫലം അറിഞ്ഞ ശേഷം ഉത്തരകടലാസുകള്‍ പുനപ്പരിശോധിക്കണമെങ്കില്‍ ഐ.സി.എസ്.ഇ വിഭാഗത്തില്‍ 1000 രൂപയും ഐ.എസ്.സി വിഭാഗത്തില്‍ 1500 രൂപയും അടയ്ക്കണം. ഫലം അറിഞ്ഞ സൈറ്റുകളില്‍ കൂടെ തന്നെ വിദ്യാര്‍ത്ഥികള്‍ക്ക് പുനപ്പരിശോധനക്കും അപേക്ഷിക്കാം.

ഇംപ്രൂവ്മെന്റ് പരീക്ഷകള്‍ ജൂലൈയില്‍. മാര്‍ക്കോ ഗ്രേഡോ മെച്ചപ്പെടുത്താന്‍ ആഗ്രഹിക്കുന്ന വിദ്യാര്‍ത്ഥികളുണ്ടെങ്കില്‍ അവര്‍ക്ക് പരമാവധി രണ്ട് വിഷയങ്ങളില്‍ ഇംപ്രൂവ്‌മെന്റ് പരീക്ഷ എഴുതാം.