കൗണ്‍സില്‍ ഫോര്‍ ഇന്ത്യന്‍ സ്‌കൂള്‍ സര്‍ട്ടിഫിക്കറ്റ് എക്‌സാമിനേഷന്‍സ് (സി.ഐ.എസ്.സി.ഇ) നടത്തുന്ന ഐ.സി.എസ്.ഇ (പത്താം ക്ലാസ്), ഐ.സി.എസ് (12ാം ക്ലാസ് ) പരീക്ഷ ഫലങ്ങള്‍ പ്രഖ്യാപിച്ചു. https://www.cisce.org എന്ന കൗണ്‍സില്‍ വെബ്‌സൈറ്റിലും കരിയേഴ്‌സ്  പോര്‍ട്ടലിലും ഡിജിലോക്കറിലും ഫലം ലഭ്യമാണ്. വിദ്യാര്‍ഥികള്‍ക്ക് ഇന്‍ഡക്‌സ് നമ്പര്‍, യൂണിക് ഐ.ഡി, ക്യാപ്ച്ച എന്നിവ നല്‍കി ഫലമറിയാനുള്ള സംവിധാനമാണ് ക്രമീകരിച്ചിരിക്കുന്നത്.

പരീക്ഷയില്‍ കേരളത്തില്‍ വമ്പിച്ച വിജയമാണ് നേടിയത്. പത്താം ക്ലാസില്‍ പരീക്ഷയെഴുതിയ 99.99 ശതമാനം വിദ്യാര്‍ഥികളും വിജയിച്ചു. പന്ത്രണ്ടാം ക്ലാസില്‍ 99.93 ശതമാനമാണ് കേരളത്തിലെ വിജയശതമാനം. 2023ല്‍ പത്താം ക്ലാസില്‍ 98.84 ശതമാനവും, പന്ത്രണ്ടാം ക്ലാസില്‍ 96.63 ശതമാനവുമായിരുന്നു വിജയം. 

ഈ വര്‍ഷം തന്നെ ഇംപ്രൂവ്‌മെന്റ് ആഗ്രഹിക്കുന്ന വിദ്യാര്‍ഥികള്‍ക്ക് ജൂലൈയില്‍ പരീക്ഷ നടക്കും. പരമാവധി രണ്ട് വിഷയങ്ങളില്‍ ഇംപ്രൂവ്‌മെന്റിന് അപേക്ഷിക്കാം. ഈ സെഷന്‍ മുതല്‍ കമ്പാര്‍ട്ട്‌മെന്റ് പരീക്ഷ നിര്‍ത്തലാക്കാന്‍ ബോര്‍ഡ് തീരുമാനിച്ചതായി ബോര്‍ഡ് ചീഫ് എക്‌സിക്യൂട്ടീവും സെക്രട്ടറിയുമായ ഇമ്മാനുവല്‍ അറിയിച്ചു.

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക