ആറ്റിങ്ങല്‍: വാഹനപരിശോധനക്കായി പൊലിസ് ഫ്‌ളൈയിങ് സ്‌ക്വാഡ് തടഞ്ഞു നിര്‍ത്തിയ ചരക്കു ലോറിയുടെ പിന്നില്‍ ബൈക്കിടിച്ചു കയറി യുവാവ് മരിച്ചു.
ഇന്നലെ രാത്രി പത്തരക്ക് ആലംകോട് ജുമുആ മസ്ജിദിനു സമീപത്തായിരുന്നു അപകടം. തിരുവനന്തപുരം ഭാഗത്തു നിന്നും കൊല്ലം ഭാഗത്തേക്കു പോയ ലോറിയാണ് പൊലിസ് തടഞ്ഞു നിര്‍ത്തിയത്. ലോറി പെട്ടെന്ന് ബ്രേക്കിട്ടതിനെ തുടര്‍ന്ന് തൊട്ടു പുറകില്‍ വരികയായിരുന്ന ബൈക്ക് ഇടിച്ചു കയറുകയായിരുന്നു. യുവാവ് തല്‍ക്ഷണം മരിച്ചു.ആളെ തിരിച്ചറിഞ്ഞിട്ടില്ല.
മൃതദേഹം മെഡിക്കല്‍ കോളജിലേക്കു മാറ്റി.