മലപ്പുറം: പത്ത്, പ്ലസ് ടു, ഡിഗ്രി വിദ്യാർഥികൾക്കായി സുപ്രഭാതം സംഘടിപ്പിക്കുന്ന എജ്യുഎക്സ്പോയുടെ രജ്‌സിട്രേഷൻ അതിവേഗം പുരോഗമിക്കുന്നു. വിദ്യാർഥികൾക്ക് പഠനത്തിന് ശരിയായ ദിശാബോധം നൽകുന്നതിനായി സംഘടിപ്പിക്കുന്ന എക്സ്പോയിലേക്കുള്ള പ്രവേശനം തികച്ചും സൗജന്യമാണ്. മുൻകൂട്ടി രജിസ്റ്റർ ചെയ്യുന്ന വിദ്യാർഥികൾക്ക് മുൻഗണനയോടെ എക്സ്പോ ആസ്വദിക്കാം.

മെയ് 9, 10 തിയ്യതികളിലായി മലപ്പുറം റോസ് ലോഞ്ച് ഓഡിറ്റോറിയത്തിലാണ് സുപ്രഭാതം എജ്യുഎക്സ്പോ നടക്കുന്നത്. കേരളത്തിലെ തന്നെ ഏറ്റവും വലിയ വിദ്യാഭ്യാസ പ്രദർശനമാണ് സുപ്രഭാതം സംഘടിപ്പിക്കുന്നത്. അയ്യായിരത്തിലേറെ വിദ്യാർഥികൾ പങ്കെടുക്കുന്ന എജ്യുഎക്സ്പോയിൽ നൂറിലേറെ വിദ്യാഭ്യാസ സ്ഥാപനങ്ങൾ അണിനിരക്കും. സ്പോട്ട് അഡ്മിഷൻ, സെമിനാറുകൾ, എക്സിബിഷൻ സ്റ്റാളുകൾ, വർക്ക്ഷോപ്‌സ് തുടങ്ങി ഏറെ വൈവിധ്യങ്ങൾ നിറഞ്ഞ പരിപാടികളാണ് എക്സ്പോയുടെ ഭാഗമായി ഒരുക്കിയിട്ടുള്ളത്.

പങ്കെടുക്കാൻ ആഗ്രഹിക്കുന്ന വിദ്യാർഥികൾ ഇപ്പോൾ തന്നെ രജിസ്റ്റർ ചെയ്യൂ: https://www.suprabhaatham.com/form