കരുനാഗപ്പള്ളി: വീട്ടമ്മയെ വീടിനുള്ളില്‍ മരിച്ച നിലയില്‍ കണ്ടെത്തി.
ഓച്ചിറ ക്ലാപ്പന വടക്ക് പുതുമംഗലത്ത് വീട്ടില്‍ ചന്ദ്രന്റെ ഭാര്യ വിലാസിനി(60) യെയാണ് കഴിഞ്ഞ ദിവസം ഉച്ചയ്ക്ക് 1.30 ന് വീടിനുള്ളില്‍ മരിച്ച നിലയില്‍ കണ്ടെത്തിയത്. ഭര്‍ത്താവ് ചന്ദ്രന്‍ രാവിലെ ജോലിക്ക് പോയിരുന്നു. ഈ സമയം ഇളയ മകന്‍ വിനോദും വിലാസിനിയും മാത്രമാണ് വീട്ടിലുണ്ടായിരുന്നത്. വിനോദ് അറിയിച്ചതിനെ തുടര്‍ന്ന് ജോലി സ്ഥലത്ത് നിന്ന് ചന്ദ്രനെത്തി വിലാസിനിയെ ഓച്ചിറയിലെ ഒരു സ്വകാര്യ ആശുപത്രിയില്‍ എത്തിച്ചെങ്കിലും അതിന് മുന്‍പേ മരിച്ചിരുന്നതായി ഡോക്ടര്‍മാര്‍ അറിയിച്ചു. മൃതദേഹം തിരുവനന്തപുരം മെഡിക്കല്‍ കോളജ് ആശുപത്രിയില്‍ പോസ്റ്റ്‌മോര്‍ട്ടത്തിന് ശേഷം സംസ്‌കരിച്ചു. ഓച്ചിറ പൊലിസ് കേസെടുത്തു. മറ്റൊരു മകന്‍ സന്തോഷ്. മരുമകള്‍: സുനിത.