കനത്ത മഴയിലും കാറ്റിലും മുംബൈയില്‍ കൂറ്റന്‍ പരസ്യബോര്‍ഡ് ഇളകി വീണ് എട്ട് പേര്‍ മരണപ്പെട്ടു.മുംബൈയിലെ ഘാട്കോപ്പറില്‍ ഇന്ന് വൈകുന്നേരം 4.30ഓടെയാണ് അപകടമുണ്ടായത്. 64ഓളം പേര്‍ക്ക് പരിക്കേറ്റതായാണ് വിവരം.ഘാട്കോപ്പറിലെ പെട്രോള്‍ പമ്പിന് സമീപമുണ്ടായിരുന്ന പരസ്യബോര്‍ഡ് ആണ് തിരക്കുള്ള റോഡിലേക്ക് മറിഞ്ഞു വീണത്. റോഡ് സൈഡില്‍ കൂടിനിന്ന ആളുകള്‍ക്ക് മുകളിലേക്കായിരുന്നു ഇത്. 

ബോര്‍ഡിനടിയില്‍ കുടുങ്ങിയ നൂറോളം പേരെ ഉടന്‍ തന്നെ രക്ഷപെടുത്തിയിരുന്നു. എന്നാല്‍ 20പേരിലധികം ഇനിയും കുടുങ്ങിക്കിടക്കുന്നുണ്ടെന്നാണ് സൂചന. സംഭവത്തില്‍ മഹാരാഷ്ട്ര സര്‍ക്കാര്‍ അന്വേഷണം പ്രഖ്യാപിച്ചു.ബോര്‍ഡ് അനധികൃതമായി സ്ഥാപിച്ചതാണെന്നാണ് ബ്രിഹണ്‍മുംബൈ മുനിസിപ്പല്‍ കോര്‍പറേഷന്റെ വാദം.