പാലക്കാട്: കുളപുള്ളി ചുവന്ന ഗേറ്റില്‍ ടാങ്കര്‍ലോറിയും ഓട്ടോറിക്ഷയും കൂട്ടിയിടിച്ചുണ്ടായ അപകടത്തില്‍ നാടന്‍പാട്ട് കലാകാരനായ വാവന്നൂര്‍ സ്വദേശി രതീഷ് തിരുവരംഗന്‍ മരിച്ചു. പട്ടാമ്പി ഭാഗത്തേക്ക് പോകുകയായിരുന്ന ഓട്ടോറിക്ഷ ഐപിടി കോളജിന് സമീപം എതിരേ വന്ന ടാങ്കര്‍ ലോറിയില്‍ ഇടിക്കുകയായിരുന്നു. മരിച്ച രതീഷ് നാടന്‍പാട്ട് കലാരംഗത്ത് സജീവസാന്നിധ്യമാണ്. നിരവധി പുരസ്‌കാരങ്ങളും രതീഷിനു ലഭിച്ചിട്ടുണ്ട്. മൃതദേഹം ഒറ്റപ്പാലം താലൂക്ക് ആശുപത്രി മോര്‍ച്ചറിയില്‍.